Канікулы. Прывітанне, лета!

Урачыстае адкрыццё сезону лагераў адбылося сёння на Алеі Герояў. Хлопчыкі і дзяўчынкі з гімназіі, сярэдніх школ № 1 і 4, а таксама з аздараўленчага лагера раённага цэнтра творчасці дзяцей і моладзі “Атлантыда” сабраліся разам, каб не толькі адсвяткаваць пачатак летняй аздараўленчай кампаніі бягучага года, але і ўшанаваць памяць тых, хто падарыў нам мірнае неба над галавою. Рабяты ўсклалі кветкі да стэлы.

Прывітальнае слова ўзяла начальнік аддзела па адукацыі райвыканкама Ірына Сяргейчык. Яна павіншавала рабят з наступленнем самай вясёлай пары года – лета – і пажадала правесці гэты час з карысцю.

Падчас мерапрыемства гучалі песні і вершы, усе жадаючыя танцавалі разам з юнымі артыстамі. Словам, старт канікул атрымаўся цудоўным!