У добры шлях!
Ну, вось і ўсё: доўгія летнія канікулы — ззаду, новы паход за ведамі, чарговы навучальны год — наперадзе. Сёлета ён распачаўся 2 верасня і працягнецца да канца будучага мая. Каля 925 тысяч вучняў селі ў Беларусі за парты, з іх 88,5 тысяч — упершыню. А яшчэ больш за 722 тысячы маладых людзей працягнуць сваё абучэнне ў прафесійных ліцэях, сярэдніх спецыяльных і вышэйшых навучальных установах. Сур’ёзныя лічбы, ці не так?
Прэзідэнт краіны Аляксандр Лукашэнка напярэдадні шчыра па-віншаваў вучняў і педагогаў з Днём ведаў і пажадаў усім моцнага здароўя, поспехаў у вучобе і працы, невычарпальнай энергіі, шчасця і добрага настрою. Як адзначыў кіраўнік дзяржавы, на-ша сістэма адукацыі захавала лепшы савецкі вопыт і традыцыі, узбагаціла іх перадавымі дасягненнямі, педагагічнай навукай і практыкай.
Натуральна, да 2013-2014 навучальнага года добра падрыхтаваліся і ўсе 56 устаноў рознага накірунку Асіповіччыны. Сёлета сюды прый-шлі больш за 5 тысяч школьнікаў і каля 2.100 дашкольнікаў, і ў панядзелак да іх на ўрачыстыя лінейкі па добрай традыцыі завіталі з падарункамі прадстаўнікі і мясцовай улады, і многіх прадпрыемстваў і аргані-зацый. Канечне, школы і садкі ў нас розняцца па колькасці выхаванцаў і шэфаў, але кожны з гасцей пастараўся зрабіць так, каб гэты дзень запомніўся ўсім надоўга. Старшыня райвыканкама Пётр Шукаловіч разам з начальнікам аддзела адукацыі, спорту і турызму Наталляй Шаўчэнка пабылі, напрыклад, у Дрычынскай установе. I няхай тут не так багата дзяцей і падлеткаў, як у гарадскіх школах ці садках, але недарма кажуць, што малы залатнік, ды дарагі: за добрую работу будатрада, дапамогу летам мясцоваму СВК “Калгас імя Чарняхоўскага” многія па заслугах былі адзначаны каштоўнымі падарункамі.
Безумоўна, такую карысную дзейнасць педагогаў і вучняў можна толькі вітаць, але гэта — ужо гісторыя, і сёння галоўная задача для ўсіх — вучоба. Дык няхай жа толькі прыбаўляецца ў нас медалістаў і выдатні-каў, хай кожнаму юнаку і дзяўчыне школа дапаможа знайсці сваё прыстойнае месца ў будучым!
У добры шлях, новы навучальны год!
