Жыхары раёна могуць ганарыцца, што менавіта Асіповіччына стала першай у спісе краіны, дзе рэтрансляцыя тэлеперадач цалкам пераходзіць на лічбавы фармат. Але ж мы адначасова і першапраходцы ў пераадоленні розных складанасцей, якія ўзнікаюць у сувязі з новаўвядзеннем…
Тым землякам, хто яшчэ не набыў патрэбнае абсталяванне, падстаў для хваляванняў няма — варта наведаць, напрыклад, гандлёвую кропку райста “Тэхніка ў быце” або магазін № 24 “Дзіцячы свет” ААТ “Гандаль”, якія знаходзяцца ў райцэнтры па вуліцы Сумчанкі, і вам прапануюць увесь неабходны “рыштунак”.
Яшчэ раз нагадаем і тэлефоны арганізацый, спецыялісты якіх могуць дапамагчы ў вырашэнні праблем з устаноўкай альбо наладкай абсталявання для прыёму эфірнага тэлесігналу ў лічбавым фармаце: Асіповіцкі РПТС — 22-5-46, ААТ “Спутник-ТВ” — 22-0-55, РВЭС — 24-8-01. Тэлефон “гарачай лініі” Міністэрства сувязі і інфарматызацыі краіны па пытаннях пераходу на лічбавае тэлебачанне — 172.