Ёсць жаданне — будзе вынік
Музей — важны атрыбут любой установы ці прадпрыемства. Ён дазваляе пазнаёміцца з гісторыяй, даведацца шмат цікавага, аб’ядноўвае людзей, што тут працуюць, дазваляе ім рабіць жыццё калектыву больш рознапланавым.
Не многа арганізацый нашага раёна могуць пахваліцца ўласным музеем. Гэта справа патрабуе шмат часу, асобнага памяшкання, наяўнасці арганізатара.
У ААТ “ПМК № 95 “Вадбуд” таксама вырашылі зрабіць музейны пакой. І энтузіяст знайшоўся. Намеснік дырэктара прадпрыемства Аляксандр Дрозд прывёз шмат рэчаў вясковай гаспадаркі, якія належалі яго цётцы з вёскі Ляды, Марыі Сцяпанаўне Кадушкінай.
Тут ёсць усё, што было неабходна для жыцця вясковай сям’і ў сярэдзіне мінулага стагоддзя. Калёсы, барана, сячкарня, вялікі куфар, некалькі бочак рознага памеру, дзежкі, маслабойка. Нават ткацкі станок прымасціўся побач з іншымі прадметамі побыту. Кашы і драўляны чамадан, самаробны ложак і шафа. Не кажучы ўжо аб посудзе і драўляных падмётках для чаравікаў.
Шкада, што пакуль няма магчымасці выставіць гэтую багатую экспазіцыю на ўсеагульны агляд. А ўсё таму, што арганізацыя не мае сродкаў для капітальнага рамонту выдзеленага памяшкання.
У задумках кіраўніцтва ПМК было ўзвесці асобны будынак, накрыць яго камышом і наогул стварыць інтэр’ер сялянскай хаты. Ужо і месца было падабрана. Ды, на жаль, пакуль не атрымоўваецца. Хочацца верыць, што музей у гэтай арганізацыі будзе зроблены, і меліяратары, і госці прадпрыемства змогуць папаўняць веды аб нашым мінулым.
Новые расценки
По информации филиала автопарк № 19 ОАО “Могилевоблавтотранс”, стоимость прохождения техосмотра транспортных средств возросла. Для легкового авто цена увеличилась на 15 тысяч и для машины с бензиновым двигателем теперь составляет 125 тысяч рублей, с дизельным и газовым оборудованием — 135. А, к примеру, владельцы мотоциклов и мопедов заплатят за услугу 60 тысяч. Самый дорогой — 220 тысяч в этом перечне — техосмотр грузового автомобиля с технически допустимой общей массой более 12 тонн. К тому же, при прохождении техосмотра, за разрешение на допуск к участию в дорожном движении физические лица вносят плату в размере 15 тысяч рублей, юридические — 20.