В Осиповичах состоялась сессия райсовета депутотав

Работа з моладдзю, працаўладкаванне і іншае на парадку дня

У сераду адбылася сесія раённага Савета дэпутатаў

На сесіі разглядаўся шэраг актуальных пытанняў. Асноўнае з іх тычылася выбараў намесніка старшыні райсавета. На гэту пасаду аднагалосна абрана дырэктар ДУА «Гімназія г. Асіповічы» Святлана Мамсікава.

Былі ўнесены змяненні, дапаўненні ў некаторыя папярэднія рашэнні. Дэпутаты заслухалі справаздачу старшыні пастаянна дзеючай камісіі па каардынацыі работы па садзеянні занятасці насельніцтва райвыканкама Ірыны Патапавай, якая адзначыла, што зараз у горадзе і раёне налічваецца 397 вакансій, з іх 280 па рабочых прафесіях. Пачынаючы з 2019 г. працаздольныя грамадзяне, не занятыя ў эканоміцы, аплачваюць паслугі гарачага водазабеспячэння, а з мая бягучага года і цеплазабеспячэння або газазабеспячэння пры наяўнасці газавых ацяпляльных прыбораў па цэнах, якія забяспечваюць поўнае пакрыццё эканамічна аба-снаваных затрат на іх аказанне.

Адбыліся выбары Маладзёжнага парламента. У яго склад увайшло 36 актыўных і ініцыятыўных хлопцаў і дзяўчат з розных прадпрыемстваў і ўстаноў Асіповіччыны.