У мінулую пятніцу на Асіповіцкі вытворчы ўчастак ААТ “Бабруйскі КХП” прыбыла першая машына з зернем — больш 50 тон азімага жыта намалацілі механізатары СВК “Калгас “Бярэзіна”. Калектыў прыступіў да ўборкі азімага жыта на мінулым тыдні, і зараз на палетках гаспадаркі задзейнічана тры камбайны.
— Зерневых і зернебабовых у нас пасеяна на пло-шчы 470 гектараў. Ураджайнасць на 18 ліпеня — 31 цэнтнер на круг, — адзначае старшыня гаспадаркі Валянцін Шкурын, які прыбыў на КХП. — Дарэчы, сёлета мы запусцілі новую сушылку КЗС-10, якая дазволіць якасна і значна хутчэй дапрацоўваць намалочанае збожжа.
Павіншавалі старшыню гаспадаркі з пачынам па традыцыі работнікі камбіната на чале з дырэктарам Аляксандрам Бабровым, які пажадаў Валянціну Іванавічу сабраць выдатны ўраджай і з поспехам выканаць дзяржзаказ.
Фота Нэлі АСТРЭЙКI.