Нарадзілася ў 1969 г. у горадзе Жабінка Брэсцкай вобласці. Скончыла Беларускі дзяржаўны педагагічны ўніверсітэт імя М.Танка, атрымаўшы спецыяльнасць настаўніка геаграфіі.

Працоўную дзейнасць пачала ў дзіцячым садку на малой радзіме. Потым была піянерважатай у школе, а затым прызначана загадчыкам аддзела райкама камсамола.

Разам з мужам-ваеннаслужачым у 1991 г. прыехала ў Асіповічы і працягнула работу ў райкаме камсамола, заняўшы пасаду другога сакратара. Пасля працавала намеснікам дырэктара па выхаваўчай рабоце ў Татаркаўскай СШ. Наступным этапам дзейнасці стала работа сацыяльным педагогам, а затым настаўнікам геаграфіі ў гімназіі. Некалькі гадоў была намеснікам дырэктара па вучэбна-выхаваўчай рабоце Асіповіцкай спецшколы-інтэрната. У 2019 г. узначаліла Татаркаўскую СШ.

Новай старонкай у працоўнай біяграфіі Марыны Гірэнкі стала пасада старшыні Асіповіцкай раённай арганізацыі Беларускага прафсаюза работнікаў адукацыі і навукі. Марына Мікалаеўна будзе імкнуцца фарміраваць пазітыўны імідж грамадскага аб’яднання, папулярызаваць яго рух. Яна адзначае, што важнай задачай прафсаюза з’яўляецца стварэнне бяспечных умоў працы, прадастаўленне неабходных сацыяльных гарантый.

Дагэтуль жанчына шмат гадоў займалася грамадскай работай, узначальвала пярвічку гімназіі, была членам райкама прафсаюза.

Замужам. Мае двух дзяцей і ўнука. Любіць чытаць мастацкую літаратуру.