Хроника происшествий. Осиповичи
Хроніка здарэнняў
Супрацоўнікамі АДАІ РАУС на мінулым тыдні папярэджана 225 парушэнняў, да адказнасці прыцягнуты 32 веласіпедысты і пешаходы, сем з якіх п’яныя, нецвярозы вадзіцель, тры “бяспраўнікі”, 15 парушальнікаў правіл перавозкі дзяцей у аўтатранспарце, тры вадзіцелі, якія не прадаставілі перавагу ў руху пешаходу. Зарэгістраваны тры неістотныя ДТЗ.
Аддзелам Дэпартамента аховы да адміністрацыйнай адказнасці прыцягнуты два сямейныя скандалісты і па адной асобе, якія здзейснілі дробныя крадзеж ці хуліганства.
Як паведамілі ў РАНС, 23 лістапада падчас пажару жылога дома на вул. Маладзёжнай у в. Карытнае цалкам знішчаны дах і перакрыцце, пашкоджаны сцены і маёмасць. 25 чысла полымем пашкоджаны пол, міжпакаёвыя дзверы, закураны сцены ў кватэры дома на вул. Патоцкага ў райцэнтры, 26 — знішчаны тэлевізар, пашкоджаны халадзільнік, закураны сцены і маёмасць у кватэры на вул. Сумчанкі. Пацярпелых няма.
МНС нагадвае: выконвайце правілы пажарнай бяспекі; не дапускайце курэння ў домаўладанні; сачыце за тым, каб запалкі, свечкі і іншыя крыніцы адкрытага агню былі патушаны пасля ўжывання. Усталюйце ў жылых памяшканнях пажарны апавяшчальнік, які ў выпадку ўзнікнення пажару дапаможа выратаваць жыццё.
ІАЖіРС складзены два адміністрацыйныя пратаколы за парушэнне правіл вядзення рыбалоўнай гаспадаркі, па адным — палявання і транспарціроўкі драўніны. Па матэрыялах інспекцыі ўзбуджаны дзве крымінальныя справы па фактах крадзяжу драўніны ў мясцовага лясгаса і лодкі ў прыватнай асобы.
