Хроніка здарэнняў

З 18 па 24 кастрычніка супрацоўнікамі АДАІ РАУС папярэджана 228 правапарушэнняў, пакараны 42 веласіпедысты і пешаходы, 7 з якіх былі нецвярозыя, 5 “бяспраўнікаў”, вадзіцель у стане алкагольнага  ап’янення, 3 парушальнікі правіл перавозкі дзяцей у аўтатранспарце. Зарэгістравана 8 ДТЗ.

Увага! Па 31 чысло, напярэдадні асенніх канікул, праходзіць тыдзень дзіцячай бяспекі ў мэтах папярэджання дарожна-транспартных здарэнняў з  удзелам непаўналетніх.

Дэпартаментам аховы да адміністрацыйнай адказнасці прыцягнуты сямейны скандаліст і два грамадзяніны, якія здзейснілі дробныя крадзяжы.

РАНС нагадвае: не пакідайце дзяцей адных без нагляду! Будзьце ім станоўчым прыкладам у сітуацыях, звязаных з захаваннем пажарнай бяспекі. Не дазваляйце дзецям распальваць печы, газавыя пліты, самастойна ўключаць электрапрыборы, а таксама не пакідайце запалкі, свечкі, запальніцы ў даступных месцах. Вывучыце з дзецьмі нумары экстранных службаў і навучыце правільна дзейнічаць падчас пажару!

ІАЖіРС складзены адміністрацыйныя пратаколы па фактах парушэння правіл рыбалоўства і перавозкі драўніны. Па матэрыялах інспекцыі ўзбуджана крымінальная справа за незаконнае захоўванне патронаў і выбуховых рэчываў.