Хроника происшествий. Осиповичи
Хроніка здарэнняў
Супрацоўнікамі АДАІ РАУС на мінулым тыдні папярэджана 184 правапарушэнні. Адміністрацыйную адказнасць панеслі 9 нецвярозых вадзіцеляў і 2, якія не прадаставілі перавагу ў руху пешаходу; 5 аўтааматараў без вадзіцельскага пасведчання, 2 з іх паўторна на працягу года; 10 парушальнікаў правіл перавозкі дзяцей і 1 — абгону; 29 пешаходоў і веласіпедыстаў, 8 з якіх былі ў стане алкагольнага ап’янення.
Зарэгістравана 3 ДТЗ, у тым ліку адно са смяротным зыходам. 7 кастрычніка каля 14.00 на 118 км трасы Мінск-Гомель вадзіцель грузавіка Scania праявіў няўважлівасць і наехаў на вадзіцеля і пасажыра мікрааўтобуса Fiat Ducato, якія на ўзмоцненай абочыне замянялі задняе левае кола на аўто — ад атрыманых траўм абодва загінулі на месцы.
Аддзелам Дэпартамента аховы да адказнасці прыцягнуты тры асобы, што знаходзіліся ў нецвярозым стане ў грамадскіх месцах, па адной — за сямейны скандал, дробны крадзеж і лжывы выклік нараду міліцыі.
Як паведамілі ў РАНС, 10 чысла ў выніку пажару каля в. Пратасевічы знішчаны трактар; у кватэры па вул. Інтэрнацыянальнай у райцэнтры агнём пашкоджаны столь і сцены. Пацярпелых няма, прычыны пажараў устанаўліваюцца.
Паважаныя землякі, не перагружайце электрычную сетку і не карыстайцеся самаробнымі электрапрыборамі. У выпадку выяўлення пажару неадкладна тэлефануйце па нумары 101 або 112.
ІАЖіРС складзена 3 адміністрацыйныя пратаколы за парушэнне правіл лесакарыстання, 1 — рыбалоўства, 2 — захоўванне незаконных прылад лоўлі.
