Саветы за работай

Грамадскасць у дзеянні

Старшыня райсавета дэпутатаў Сяргей Сувееў правёў вучобу органаў тэрытарыяльнага мясцовага самакіравання. На абмеркаванне раённых актывістаў выносіліся пытанні эфектыўнасці правядзення вакцынацыі ў рэгіёне і ролі добраахвотных дружын і іншых грамадскіх фарміраванняў у прафілактыцы законнасці і правапарадку.

Галоўны санітарны ўрач раёна Кацярына Мукалава канстатавала: рост захворваемасці на каранавірусную інфекцыю працягваецца. У сувязі з гэтым медыкі актывізавалі санасветработу з арганізацыямі і насельніцтвам. Кіраўнікам адпраўлены рэкамендацыі і інфармацыйныя пісьмы, праводзяцца сустрэчы з працоўнымі калектывамі.

Шмат увагі надаецца вакцынацыі. Імунізацыю прайшлі 94,6% медработнікаў, 84,6% работнікаў устаноў адукацыі; прышчапіліся 60,8% работнікаў, занятых у сацыяльнай сферы; гандлі і грамадскім харчаванні — 58,5%, транспарце — 30,3%, ва ўстановах культуры і спорту — 33,1%.

У рамках правядзення дзярж-нагляду было выяўлена шмат парушэнняў. Напрыклад, на аб’ектах гандлю не заўсёды выконваецца масачны рэжым як персаналам, так і наведвальнікамі, уборкі з выкарыстаннем дэзсродкаў праводзяцца нерэгулярна. Падобныя парушэнні адзначаліся на аб’ектах Глускага райста, ЗАТ “Дабраном”, ПГУП “Прусакоў”, у індывідуальных прадпрымальнікаў Суравец В.М., Істомінай Т.В. і г.д. Да адміністрацыйнай адказнасці прыцягваліся кіраўнікі 7 устаноў адукацыі.

На асобым кантролі знахо-дзіцца выкананне суб’ектамі мерапрыемстваў па правядзенні дэз-інфекцыі ў грамадскім транспарце. Сёлета сістэматычныя парушэнні назіраліся ў аўтобусах аўтапарка № 19. Узмоцнены кантроль за аб’ектамі, якія прадастаўляюць гасцінічныя паслугі. У полі зроку проціэпідэмічныя мерапрыемствы на прамысловых аб’ектах розных форм уласнасці, дзе асноўныя парушэнні — адсутнасць уваходнага кантролю, а таксама ненашэнне масак, непрымяненне дэзсродкаў.

За студзень-верасень скла-дзена 46 пратаколаў, прыпынена дзейнасць 32 аб’ектаў для правядзення мыйкі і дэзапрацоўкі абсталявання і памяшканняў. У адрас кіраўнікоў накіравана 127 рэкамендацый і прадпісанняў.

Адзначана, што ў правядзенні інфармацыйнай работы з насельніцтвам па пытанні прафілактыкі каранавіруснай інфекцыі неабходна прыняць удзел і грамадскім актывістам, якія хутчэй змогуць дайсці да кожнага земляка.

Па выніках за прайшоўшы перыяд года на тэрыторыі раёна адзначаецца зніжэнне ўзроўню злачыннасці з 98,7 на 90,2 выпадкаў на 10 тысяч насельніцтва, адзначыў начальнік аддзела аховы правапарадку і прафілактыкі РАУС Сяргей Налівайка. Пры гэтым колькасць злачынстваў, здзейсненых групай асоб, паменшылася на 40%. Значна паменела злачынстваў па лініі крымінальнага вышуку, але на тэрыторыі Татаркаўскага, Дараганаўскага, Карытненскага, Аўтазавадскога, Ясенскага і Паркавага адміністрацыйных участкаў іх колькасць наадварот узрасла.

Назіраецца значны рост злачынстваў у сферы высокіх тэхналогій, большая частка якіх — крадзеж маёмасці шляхам мадыфікацыі камп’ютарнай інфармацыі. Прычына іх у нізкім узроўні інфармаванасці насельніцтва пра інтэрнэт-махляроў, а таксама меры асабістай бяспекі.

Прадстаўнік праваахоўных органаў адзначыў, што немалаважную ролю ў стабілізацыі крымінагеннай абстаноўкі іграюць добраахвотныя дружыны. У раёне іх дзейнічае 32: 16 у горадзе, 5 на аб’ектах чыгункі, 11 на тэрыторыі сельсаветаў. 235 чалавек дапамагаюць міліцыі сачыць за грамадскім парадкам. Дружыны Асіповіцкага вытворчага ўчастка КХП, вагоннага дэпо і Лапіцкага сельсавета могуць служыць прыкладам для іншых.

Нагледзячы на тое што колькасць злачынстваў, здзейсненых у стане алкагольнага ап’янення, а таксама злачынстваў у сферы сямейна-бытавых адносін знізілася, прафілактыка застаецца прыярытэтнай у рабоце мясцовай улады. Члены органаў грамадскага самакіравання могуць і павінны садзейнічаць захаванню грамадскага парадку, чым акажуць дапамогу ўсім.