Владимир Ровбель: У нас адна нацыянальнасць,адна гісторыя

—, У нас адна нацыянальнасць адна гісторыя, адзін агульны лёс, шмат таго, што нас аб’ядноўвае. Безумоўна, хочацца бачыць усіх людзей шчаслівымі, а краіну — квітнеючай.

Рэгулярна сачу за навінамі, каб трымаць руку на пульсе планеты. Не з’яўляюся прыхільнікам пераваротаў і рэвалюцый, таму часам балюча бачыць, што адбываецца ў асобных краінах.

Лічу, што ў любой арганізацыі, кожным раёне, краіне павінен быць надзейны лідар, які зможа не толькі заваяваць павагу народа, але і ўмела кіраваць, прадугледжваючы не на крок наперад, а на больш далёкую перспектыву, і кіравацца не эмоцыямі, а здаровым сэнсам і розумам. А вось чаго яму нельга дапускаць — гэта рэзкіх перамен поглядаў, пазіцый, змены прыярытэтаў. Каб людзі маглі давяраць, адчувалі стабільнасць.

Давялося стаць сведкам розных этапаў станаўлення дзяржавы, таму магу зрабіць выснову, што жыць зараз стала лягчэй, усё для гэтага ёсць, галоўнае, каб здароўе не падводзіла. А яшчэ, калі ўсе разам — дык і любыя задачы рашаюцца. Галоўнае, каб не было раз’яднання, расслаення грамадства.