Дзень Незалежнасці — адно з найбольш статусных нацыянальных свят, традыцыйна адзначаемае з нагоды заснавання дзяржавы альбо вызвалення ад акупацыі. У нашай краіны яно атаясамляецца з вызваленнем ад нямецка-фашысцкай акупацыі і займае асаблівае месца сярод маральных каштоўнасцей суайчыннікаў.
Мы назаўсёды застанемся ўдзячны тым, хто змагаўся за свабоду Айчыны. I ніколі не забудзем, як дорага абышлося беларускаму народу выратаванне ад запланаванага захопнікамі яго духоўнага і фізічнага знішчэння.
Амаль чвэрць стагоддзя Рэспубліка Беларусь — суверэнная дзяржава, і абавязак кожнага земляка — захоўваць здабытую ў баях свабоду, рабіць наш край багатым і квітнеючым. Мы многага дасягнулі ў гэтым накірунку, але ж колькі яшчэ трэба зрабіць!

Урачысты мітынг з нагоды Дня Незалежнасці прайшоў на мемарыяльным комплексе “Алея Герояў”. Як заўсёды, яго пачэснымі гасцямі былі асіповіцкія ветэраны. Гэта ў іх гонар казаліся шчырыя словы падзякі, разносіліся велічныя гукі Дзяржаўнага гімна, грымеў ружэйны салют…
Фота Дзмітрыя САЎРЫЦКАГА.