Хроніка здарэнняў

На мінулым тыдні супрацоўні-камі АДАІ РАУС папярэджана 178 правапарушэнняў, пакарана 13 веласіпедыстаў і пешаходаў, два з якіх былі нецвярозыя, 3 “бяспраўнікі”, 2 вадзіцелі ў стане алкагольнага ап’янення, парушальнік правіл абгону і 3, што не прадаставілі перавагу ў руху пешаходу. Зарэгістравана 3 ДТЗ.

Падчас СКМ “Увага — дзеці!” выяўлена 322 парушэнні ПДР, у тым ліку 31 — пешаходамі і веласіпедыстамі, 3 факты знаходжання за рулём вадзіцеляў “пад мухай”, 7 — парушэння правіл перавозкі дзяцей у аўтатранспарце, 6 — непрадастаўлення перавагі ў руху пешаходам.

Па даных РАНС, 31 жніўня і  2 верасня полымем пашкоджаны ванная і калідор прыватнага дома на вул. Майстрэнкі, кухня ў доме на Загараднай у райцэнтры адпаведна; 4 чысла знішчаны дах, пашкоджаны сцены і маёмасць у доме на вул. Кліменкі ў Свіслачы.

РАНС нагадвае: не пакідайце без нагляду крыніцы адкрытага агню — прычыну большасці бытавых і вытворчых пажараў!

Дэпартаментам аховы да адміністрацыйнай адказнасці прыцягнуты 2 сямейныя скандалісты і столькі ж грамадзян за з’яўленне ў нецвярозым выглядзе ў грамадскім месцы.

ІАЖіРС складзены адміністрацыйны пратакол за парушэнне правілаў рыбалкі.