Хроніка здарэнняў

Супрацоўнікамі АДАІ РАУС на мінулым тыдні папярэджана 170 правапарушэнняў, да адміністрацыйнай адказнасці прыцягнуты 4 вадзіцелі-бяспраўнікі, 3 парушальнікі правілаў абгону, 8 — правілаў перавозкі дзяцей, 16 веласіпедыстаў і пешаходаў. Адбылося 10 ДТЗ, усе з механічнымі пашкоджаннямі.

Аддзелам Дэпартамента аховы раскрыта адно злачынства, выяўлена па 3 крадзяжы і факты знаходжання ў месцах грамадскага карыстання ў нецвярозым стане.

Па інфармацыі РАНС, 27 ліпеня падчас пажару на ст. Ясень згарэла гаспадарчая пабудова і атрымала пашкоджанні пакрыццё сцен жылога дома, які знаходзіўся паблізу. 30 чысла ў Асіповічах загарэўся прыватны гараж.

Рэйдавымі групамі ІАЖіРС выяўлены 3 выпадкі браканьерскай здабычы рыбы і факт няправільнага афармлення суправаджальных дакументаў на перавозку нарыхтаванай драўніны.