Ведай нашых!

Юныя артысты — на вышыні

Вучні ДШМ № 1 не перастаюць радаваць сваімі дасягненнямі. І вось — чарговыя. Удзельнікі Узорнага харэаграфічнага ансамбля “Крынічка” пад кіраўніцтвам Марыі Шабуневіч атрымалі гран-пры на ІІ рэспубліканскім конкурсе “Запаліць зорку”. Ілля і Ягор Домскія (настаўнік Алена Чумак) сталі лаўрэатамі І ступені ХVІ Міжнароднага конкурсу “Рэнесанс гітары”, які прайшоў у Гомелі. Маргарыта Аляшкевіч (педагог Вольга Кавалёва) прывезла Дыплом лаўрэата І ступені з Міжнароднага шматжанравага фестывалю-конкурсу “Арт-Адзінства”, а на ІІІ Міжнародным конкурсе мастацтваў “Art motion” атрымала Дыплом ІІІ ступені.
Выхаванка Аксаны Мысюцінай Ганна Ефімовіч прыняла ўдзел у тэлеконкурсе “Гатоў да эфіRU”, а навучэнка Ірыны Цяслёнак Таццяна Герасімчык стала дыпламантам Х Рэспубліканскага радыёконкурсу “Маладыя таленты Беларусі”.