РАУС
У перыяд з 27 мая па 2 чэрвеня здзейснена 3 крадзяжы, выяўлена 5 выпадкаў самагонаварэння. Скончыў жыццё самазабойствам 35-гадовы мужчына.
Праводзіцца праверка абставін смерці 63-гадовага асіпаўчаніна, знойдзенага ва ўласнай кватэры з траўмамі галавы, а таксама нанясення цяжкіх цялесных пашкоджанняў, у ліку якіх пералом шыйнага аддзела пазваночніка, 24-гадоваму жыхару Ялізава.
У ноч з 28 на 29 чысло невядомыя асобы ўзламалі дзверы не маючай сігналізацыі крамы райста ў Свіслачы і ўкралі таварна-матэрыяльныя каштоўнасці на суму 20 мільёнаў рублёў.
На наступны дзень несумленныя наведвальнікі паспрабавалі ўкрасці 2 бутэлькі элітнага каньяку «Хэнесі» коштам каля 1 мільёна рублёў з вітрыны магазіна ТАА «Еўраторг».
РАСК
Узбуджана 5 крымінальных спраў, у тым ліку па факце рабаўніцтва, крадзяжу грошай з дому ў прысутнасці гаспадара, нанясення цялесных па-шкоджанняў 34-гадоваму мужчыне і знікнення без вестак 45-гадовай жанчыны.
ДАI
Спынена 113 парушэнняў правілаў руху, прыцягнуты да адказнасці 6 п’яных вадзіцеляў і 76 «ліхачоў». Адбылося 5 ДТЗ, пераважна — з-за парушэння бяспечнай дыстанцыі паміж машынамі.
УВАГА! АДАI нагадвае, што ў першыя дні летніх канікул вазіцелям рэкамендуецца рухацца з уключаным бліжнім святлом фар і ў светлы час сутак. Таксама нельга забывацца, што зараз дзяржаўтаінспекцыя трымае пад асаблівым кантролем выкананне правілаў праезду чыгуначных пераездаў, парушэнне якіх можа скончыцца штрафам у памеры ад 2 да 20 базавых велічынь.
АУСТ
Спынена 59 адміністрацыйных правапарушэнняў, у тым ліку 6 — за неадэкватныя паводзіны пры праездзе ў цягніках. Узбуджаны крымінальныя справы па фактах крадзяжу металічных вырабаў з прыватнай сядзібы і скажэння справаздачнай дакументацыі адказнай асобай чыгуначнага прадпрыемства.
Дэпартамент аховы
Спынены дробны крадзеж, 6 выпадкаў парушэння антыалкагольнага заканадаўства і 3 — правілаў дарожнага руху.
Медвыцвярэзнік
Размешчаны 21 мужчына і 3 жанчыны.
IАЖіРС
Складзены пратаколы: па фактах паркоўкі аўтамабіля ў водаахоўнай зоне — 1, лоўлі забароненымі прыладамі і гандлю рачной рыбай — па 2.