Осиповичские хлеборобы первыми в области завершили посев ранних яровых зерновых культур
Ураджай-2021
Кіпіць работа на палях
Першымі ў вобласці нашы хлебаробы завяршылі сяўбу ранніх яравых зерневых культур
Па ўчарашніх даных, 47% палеткаў Прыдняпроўскага краю было засеяна раннімі яравымі зерневымі. Прыемна адзначыць, што нашы аграрыі першыя справіліся з пастаўленай задачай. Амаль паўтары тысячы гектараў пасеваў хутка зазелянеюць парасткамі ранніх яравых. Зараз жа рупліўцы працягваюць сеяць іншыя сельскагаспадарчыя культуры. Так, 840 га зоймуць цукровыя буракі.
Завершана першая падкормка азімых зерневых — а гэта 6 700 га — і крыжакветных — 1 235. Гаспадаркі прыступілі да другой падкормкі азімых азотнымі ўдабрэннямі і распачалі работы па доглядзе за рапсам і яго інсектыцыднай апрацоўкай з унясеннем мікраэлементаў. Таксама вядзецца падкормка шматгадовых траў і палепшаных лугапашавых угоддзяў.
