Лясная гаспадарка

Бярозавік пайшоў!

Нарыхтоўка карыснай сыравіны і яе рознічны продаж фізіч-ным асобам наладжаны ва ўсіх лясніцтвах, акрамя Дараганаўскага, Вязскага і Дрычынскага. Усяго ў зборы бярозавіку задзейнічана каля 50 чалавек. Гэта правераныя спецыялісты, якія на сезон утвараюць свайго роду арцелі.

Патрабаванні да зборшчыкаў дастаткова высокія: яны павінны забяспечыць максімальныя аб’ёмы аддачы соку ад кожнага дрэва, мінімальныя яго страты пры правядзенні тэхналагічных аперацый і якасныя паказчыкі сабранай дзікарослай сыравіны, якія адпавядаюць жорсткім стандартам харчовай індустрыі.

* * *

Традыцыйная дабраахвотная акцыя лесаводаў “Тыдзень лесу” пройдзе ў перыяд з 3 па 10 красавіка і будзе прысвечана Году народнага адзінства.

Усе жадаючыя прыняць удзел ва ўзнаўленні лясных масіваў могуць звяртацца ў бліжэйшае лясніцтва ці па тэл. 8 (029) 310-53-45.