З пачатку красавіка на станцыі
Асіповічы пачаў дзейнічаць абноўлены расклад руху цягнікоў рэгіянальных ліній эканом-, бізнес—класа, міжрэгіянальных і міжнародных ліній. Змены ў графі—ку выклікалі пытанні ў многіх пасажыраў. Праблемы ў асноўным датычаць «стыкоўкі” прыбываючых цягнікоў з Магілёва, Бабруйска, Салігорска з электрычкамі мін—скага накірунку. Акрамя гэтага, людзей хвалюе павелічэнне часу следавання электрацягнікоў да
ста-ліцы. Сітуацыю каменціруе начальнік вакзала Яўгеній СелIвончык:

— У першую чаргу, хацелася б адзначыць, што распрацоўкай графіка руху займаецца інжынерна—тэхналагічны ад—дзел цэнтра ўпраўлення перавозкамі Беларускай чыгункі. Ён складае аптымальны, на яго погляд, расклад з улікам тэхнічных магчымасцей і пажаданняў пасажыраў. Мы таксама накіроўваем свае прапановы аб удасканаленні раскладу ў Магілёўскае аддзяленне чыгункі. Дарэчы, гэты графік руху — часовы. Канчатковы варыянт пачне дзейнічаць з канца мая і працягнецца на год. Гэтыя «пературбацыі” звязаны з многімі сур’ёзнымі прычынамі. Так, у Рудзенску актыўна ідуць рамонтныя і будаўнічыя работы па ўвя—дзенні ў эксплуатацыю гарадскіх ліній, якія хутка звяжуць нашу сталіцу з гарадамі—спадарожнікамі. Цягнікі зараз ідуць не звыклым маршрутам, а робяць круг. У сувязі з гэтым час следавання электрычак Мінск — Асіповічы — Мінск павялічыўся, акрамя гэтага, скарацілася і іх колькасць. Працягнецца працэс электрыфікацыі чыгункі на ўчастку Асіповічы — Жлобін, што таксама створыць нязручнасці для
пасажыраў.

Аб любых зменах у раскладзе мы абавязкова інфармуем пасажыраў на дошках аб’яў, таму заўсёды звяртайце на гэта ўвагу альбо тэлефануйце ў даведачную вакзала. Але гэта часовыя цяжкасці. Беларуская чыгунка мадэрнізуецца і пераходзіць на новы фармат, каб стаць больш зручным і хуткім сродкам перамяшчэння не толькі па нашай краіне, але і за яе межамі. Любыя змены патрабуюць часу, таму мы просім пасажыраў праявіць разуменне і перачакаць гэты перыяд.