Штогод напрыканцы зімы паляўнічыя гаспадаркі раёна і Асіповіцкая міжраённая інспекцыя аховы расліннага і жывёльнага свету праводзяць улік дзікай жывёлы.

Гэтае мерапрыемства неабходна для атрымання дакладных звестак аб колькасці асноўных прадстаўнікоў ляснога насельніцтва і разліку лімітаў на здабычу паляўнічых трафеяў.

Па выніках сёлетняга зімовага ўліку сукупная колькасць кантралюемых відаў склала: лось — 345 асобін, алень высакародны — 405, дзік — 1.100, казуля — 1.390, заяц—русак — 1.330, заяц—бяляк — 2.320, ліса — 370, воўк — 5, зубр — 204, рысь — 1.

Ва ўгоддзях раённай арганізацыйнай структуры РДГА «Беларускае таварыства паляўнічых і рыбаловаў” памеры папуляцый улічваемых жывёл у параўнанні з мінулым годам узраслі на 10-12 працэнтаў, у
другога буйнейшага карыстальніка паляўнічых угоддзяў — ДДЛГУ «Асіповіцкі доследны лясгас” — практычна не змяніліся.