Асіповіччына: навіны культуры

Нядаўна
творчая скарбонка дзіцячай школы мастацтваў № 1 папоўнілася новымі ўзнагародамі. З абласнога конкурсу вакальных ансамбляў выхаванцы педагога Вольгі Кавалёвай (канцэртмайстар
Аксана Музычына) вярнуліся з Дыпломам I ступені. Такой жа ўзнагароды ўдастоены і дзесяцігадовы Мікалай Мядзведзеў (педагог Таццяна Сідаровіч, канцэртмайстар Наталля Кліменка), які прымаў удзел у II рэспубліканскім конкурсе юных вакалістаў імя Шаляпіна.

*
* *

У
раённым Цэнтры народных рамёстваў і дэкаратыўна-прыкладнога мастацтва прайшла выстаўка работ удзельнікаў гурткоў, якія займаюцца ў аддзяленні дзённага знаходжання інвалідаў ЦСАН. Яны змаглі паглядзець там таксама работы пастаянна дзейнічаючай экспазіцыі і
атрымаць майстар-клас па пляценні з паперы, які правяла дырэктар установы Валянціна Туркіна.