Дрэнна працаваць тут не могуць

У Магілёўскім аддзяленні Беларускай чыгункі лакаматыўнае дэпо ст Асіповічы ўжо не адзін дзясятак гадоў знаходзіцца ў ліку лідараў, і не спыняцца на дасягнутым — гэта стыль жыцця, калі можна так сказаць, калектыву. Таму ці варта здзіўляцца, што і летась тут выкананы ўсе фінансава—эканамічныя паказчыкі?

Даходы ад рэалізацыі прадукцыі (тавараў, паслуг) перавысілі, напрыклад, 173,7 млрд. рублёў, чысты прыбытак склаў 20 мільярдаў, перавезена больш за 5,6 млрд.ткм.брута, сярэдняя вага цягніка — 3.122 тоны ці 101% да плана. На належным узроўні рэнтабельнасць рэалізаванай прадукцыі і продажаў, энергазберажэнне, прадукцыйнасць працы на чалавека адпавядае 337.584 тысячам рублёў і г.д.

— А ўсё таму, — адзначае начальнік дэпо Валерый Лайшэў,
— што калектыў у нас згуртаваны, жыве агульнай ідэяй, у наяўнасці даўно ўзаемадапамога і ўзаемавыручка. Без падобнага на поспехі разлічваць цяжка, калі магчыма наогул. Ды і прысутнасць бунтарскага — у добрым сэнсе слова — духу дапамагае станоўча вырашаць задачы.