На крытычны
матэрыял (гл. “АК” № 22 ад 19.03.2013 г.) адказвае дырэктар філіяла Асіповіцкага раёна газазабеспячэння Алена Зайцава:

— Канструкцыя газавага прыбора ўліку мае магчымасць прапускаць і лічыць газ толькі ў адзін бок, таму лічыльнік быў устаноўлены таблом да сцяны. На той момант у падменным фондзе райгаза былі прыборы толькі такога напрамку (злева направа), а прачытаць яго паказанні можна з дапамогай люстэрка, што і было зроблена пры наведванні абанента майстрам Бондаравым В.А. і мною
асабіста.

За такія нязручнасці, паважаныя абаненты, просім прабачэння. Гэта з’ява часовая: няспраўны лічыльнік зняты і адпраўлены ў рамонт на завод–вытворцу 27 снежня 2012 года, дзе і знаходзіцца па цяперашні час.

Ад рэдакцыі: Учора гаспадар узгаданай кватэры патэлефанаваў нам і паведаміў, што прыбор уліку ў доме заменены на якасны, за што і прыносіць падзяку.