Узнагарода

Памяць вайны

Напярэдадні Дня абаронцаў Айчыны Генадзь Вепраў атрымаў памятны знак, выпуск якога быў прымеркаваны да 75-годдзя поўнага выслабанення Ленінграда ад фашысцкай блакады. Юбілей адзначаўся ў 2019 годзе, аднак блакаднікам, якія жывуць па-за межамі Расійскай Федэрацыі, знакі ўручаліся пазней. Усе блакаднікі, што жывуць у Беларусі, атрымалі яго да 23 лютага гэтага года. Генадзю Пятровічу знак уручылі ваенны камісар Асіповіцкага і Клічаўскага раёнаў Фёдар Шапавалаў і начальнік групы прызыву на вайсковую службу Надзея Сяргеенка.