14 сакавіка адбылася дваццаць восьмая сесія раённага
Савета дэпутатаў дваццаць шостага склікання, на парадак дня якой было вынесена
9 пытанняў.

Першыя два разглядаліся разам:
падрабязная інфармацыя аб выніках леташняй работы райвыканкама па
сацыяльна-эканамічнаму развіццю раёна друкавалася ў раённай газеце 12 чысла, а
даклад аб рабоце прэзідыума раённага Савета дэпутатаў па павышэнні ролі органаў
мясцовага самакіравання ў рашэнні пытанняў жыццязабеспячэння насельніцтва раёна
ў 2012 годзе зрабіў старшыня райсавета Аляксандр Пузік. Пасля іх абмеркавання,
удзел у якім прынялі дэпутаты Аляксандр Краўчанка і Ала Селівончык, старшыня
Ялізаўскага пасялковага Савета дэпутатаў Алег Лук’яненка, дэпутаты прынялі
адпеведныя рашэнні.

Сесія зацвердзіла таксама справаздачу
аб выкананні раённага бюджэту за мінулы год і Праграму дзяржаўнай падтрымкі
малога і сярэдняга прадпрымальніцтва ў раёне на 2013-2015 гады, вызначыла новыя
тэрміны арэнды паляўнічых угоддзяў і ўнесла змяненні ў шэраг раней прынятых
рашэнняў райсавета — ад 10.12.2012 г. № 26-5, ад 27.12.2011 г. № 18-1, ад
21.11.2011 г. № 16-6 і ад 21.12.2012 г. № 27-9.