Райветстанцыя, райветлабараторыя, гарадская ветэрынарная лячэбніца, лабараторыя ветсанэкспертызы на
рынку, Жорнаўская і Ліпенская ўчастковыя ветлячэбніцы разам утвараюць ветэрынарна-санітарную
ўстанову «Асіповіцкая райветстанцыя”.

Захаванасць
пагалоўя — адзін з галоўных паказчыкаў работы ветэрынараў. Працэнт падзяжу ў адносінах да прыплоду летась быў невысокі: 0,8 (напрыклад, у 2011 годзе ён адпавядаў 1,2). Ну а колькасць самога прыплоду ў мінулым годзе ў сельгаспрадпрыемствах раёна вырасла на 416 галоў у параўнанні з адпаведным папярэднім перыядам. Дасягнутыя вынікі дазволілі райветстанцыі ў чарговы раз увайсці ў тройку лідараў абласнога спаборніцтва.

Многія асіпаўчане—аматары «братоў нашых меншых” добра знаёмы з работай гарадской ветлячэбніцы. Сюды штодзень у сярэднім наведваецца 15-20 чалавек са сваімі гадаванцамі, бывае і да трох дзясяткаў. Часцей за іншых прыходзяць гаспадары катоў і сабак. Ці змяншаецца з павышэннем узроўню інфармаванасці насельніцтва (адказ ледзь не на любое пытанне можна знайсці ў інтэрнэце) колькасць зваротаў у «звярыную бальніцу”? Аказваецца, не. І, што цікава, найбольш «мурзікі—тузікі” пакутуюць ад… сухога корму: ён садзейнічае развіццю мочакаменнай хваробы, інтаксікацыі арганізма. Ну і, натуральна, за такімі аперацыямі, як стэрылізацыя, кастрацыя або выдаленне розных пухлін у гадаванцаў таксама звяртаюцца менавіта сюды, тым больш, што цэны на паслугі інакш, як дэмакратычнымі, не назавеш. Бывае, прыносяць чарапашак, тушканчыкаў, не кажучы ўжо пра крысак і марскіх свінак. Хатнія любімцы ў незнаёмых умовах звычайна паводзяць сябе смірна. Мабыць, разумеюць, што ім хочуць дапамагчы?

Ёсць у ветстанцыі
і свой віварый, дзе ўтрымліваецца баран, каля сотні марскіх свінак і двух дзясяткаў «вушасцікаў”. На гэтых жывёлах з дапамогай біяпроб ставяцца дыягназы на інфекцыйныя захворванні. Наогул, работа тут шмат-гранная і цікавая.

— У планах
установы і далей падтрымліваць «абароназдольнасць”, — падзялілася галоўны вет-урач раёна Ганна
Алёхна. — Забяспечыць яшчэ большую захаванасць жывёлы, не дапусціць узнікнення ачагоў захворванняў. З такім надзейным калектывам, як наш, мяркую, справімся з любой задачай.
Збіраемся трымацца ў лідарах і надалей!

Валянціна
КОРБАЛЬ.