РАУС

У перыяд з 18 па 24 сакавіка выяўлены 3 факты парушэння антыалкагольнага заканадаўства, па выпадку нанясення цялесных пашкоджанняў і наркатрафіку. Раскрыты 2 раней
здзейсненыя крадзяжы.

20 чысла пры аглядзе асабістай машыны 28-гадовага асіпаўчаніна знойдзена 7 кг насення маку.

РАСК

Узбуджана 6
крымінальных спраў. У тым ліку па фактах: нанясення цялесных пашкоджанняў непаўналетняму (злачынства адбылося 21 лютага ў п. Савецкі), набыцця крадзенай маёмасці і яшчэ аднаго выпадку незаконнага гандлю ювелірнымі вырабамі з золата, які вяла група мінчан.

ДАI

Спынена 148 парушэнняў правілаў руху, прыцягнута да адказнасці 35 парушальнікаў хуткаснага рэжыму, 3 п’яныя вадзіцелі і 19 пешаходаў, якія не мелі святлоадбіваючых элементаў на адзенні. Адбылося 8 ДТЗ.

24 сакавіка каля 15.20 на 117-м кіламетры шашы Мінск–Гомель аўтамабіль “Таёта–Кэмры” цёмнага колеру, які рушыў у бок Бабруйска, знянацку выехаў на сустрэчную паласу
руху і наўмысна стварыў аварыйную сітуацыю. Каб пазбегнуць сутыкнення з дарожным ліхачом, “Опель Астра” быў вымушаны з’ехаць на ўзбочыну, дзе ўрэзаўся ў снежны сумёт. Пасажыр пашкоджанай машыны атрымаў цялесныя па–шкоджанні. АДАI звяртаецца да відавочцаў дапамагчы ўстанавіць нумар машыны, вадзіцель якой так нахабна парушыў правілы дарожнага руху. Тэлефон —
24-4-44.

Увага! З 21 па 31 сакавіка на тэрыторыі Магілёўскай вобласці праводзіцца спецаперацыя “Пешаход”.

АУСТ

Спынена 76 адмі–ністрацыйных правапарушэнняў, затрымана 2 злачынцы, на якіх быў аб’яўлены вышук. Узбуджана крымінальная справа па факце крадзяжу мабільнага тэлефона, які пасажыр паставіў на падзарадку ў зале чакання вакзала ст. Асіповічы.

У зоне адказнасці АУСТ і стралкова–пажарнай каманды на ст. Асіповічы адбыўся выпадак невытворчага траўматызму. На адным з перагонаў чыгункі Асіповічы–Слуцк патрапіла пад цягнік і атрымала смяротныя траўмы 58-гадовая жанчына. Пацярпелая ішла ўздоўж чыгункі ў небяспечнай блізкасці ад рэек і, верагодна, была зацягнута пад колы ўдарам паветранай хвалі, што ўтвараецца пры хуткім
руху саставу.

РАНС

19 чысла адбыліся пажары гаспадарчых пабудоў у прыватных сядзібах на вул. Каралёва (Асіповічы) і ў в.
Сялец.

IАЖіРС

Складзены
пратакол па факце парушэння правілаў гандлю рыбай.