25 лютага 2013 года Прэзідэнт
краіны падпісаў Указ № 90 “Аб мерах па ўдасканаленні дзейнасці органаў унутраных спраў Рэспублікі Беларусь”, у адпаведнасці з якім падраздзяленні транспартнай міліцыі ў хуткім часе будуць падпарадкаваны абласным тэрытарыяльным кіруючым органам. Аднак механізм рэалізацыі ўзгаданай рэформы яшчэ да канца не распрацаваны, і жыццё нашага аддзела ўнутраных спраў на транспарце працягваецца ў “штатным рэжыме”.

У дзень прафесійнага свята беларускіх міліцыянераў начальнік АУСТ Уладзімір МамсIкаў атрымаў пачэснае званне “Ганаровы супрацоўнік МУС”. Што ўвогуле заканамерна: аддзел, які ён узначальвае, стабільна лічыцца адным з лепшых у краіне.

Канчатковае рашэнне звязаць лёс з праваахоўнай справай Мамсікаў прыняў у арміі. Так сталася, што служыў ва ўнутраных войсках і быў паранены пры выкананні службовага задання. Потым — педагагічны інстытут, работа ў інспекцыі па справах непаўналетніх, аддзеле па барацьбе з эканамічнымі злачынствамі, кіраўніцтва Бабруйскім АУСТ…

Нейкіх асаблівых кар’ерных планаў не меў, проста адразу паставіў перад сабой мэту: выконваць даручаную справу да канца, на якой бы пасадзе ні знаходзіўся. Калі зразумеў, што ведаў для таго, каб адчуваць сябе кампетэнтным спецыялістам, не хапае, атрымаў вышэйшую юрыдычную адукацыю.

Асіповіцкі АУСТ узначаліў у 2002
годзе.

Па–першае, кожны добры кіраўнік мае каманду, якая адпавядае пастаўленым задачам; па-другое,
умее паставіць перад ёй рэальна дасягальныя мэты і дабіцца іх дакладнага выканання; па–трэцяе, даць
падначаленым станоўчую матывацыю.

Начальнік аддзела транспартнай міліцыі вельмі прыдзірліва адносіцца да адбору людзей, якіх бярэ на работу. Ён мае ўласныя крытэрыі праверкі
маральна-дзелавых якасцей кандыдатаў і звычайна паспяхова адсейвае баласт — ілжывых, некампетэнтных, празмерна самазадаволеных. Тым жа, хто прайшоў адбор, давярае цалкам і дае магчымасць “разгарнуцца” — праявіць ініцыятыву і самастойнасць.

Міліцэйская служба — занятак цяжкі. I не толькі фізічна ды інтэлектуальна,
але і маральна: штодзень даводзіцца сутыкацца з далёка не
лепшымі выявамі чалавечага аблічча. Свайго роду кампенсацыяй гэтага стрэсу можа стаць спрыяльная атмасфера сярод калег, і Мамсікаў пры–кладае шмат намаганняў, каб умацаваць у
аддзеле пачуццё карпаратыўнай салідарнасці.

Дае начальнік прыклад і ў разумнай арганізацыі вольнага часу. Ён справядліва разважае, што без добрага адпачынку немагчыма доўга падтрымліваць высокую працаздольнасць. Прынамсі, “шэф”
транспартнай міліцыі сам заўзяты падарожнік, фотааматар і калекцыянер.

Звычайна, ён імкнецца спалучаць усе свае хобі: многа здымае і прывозіць з кожнай вандроўкі
папаўненне для калекцыі. А бывае, што падчас падарожжаў папаўняецца і “калекцыя” прафесійных ведаў: карысная гэта справа — паназіраць, як працуюць калегі ў іншых мясцінах краіны і за яе межамі…