13 сакавіка на РДУВП “Асіповіцкі хлебазавод” прайшло выязное пася-джэнне
савета дырэктараў РУВП “Магілёўхлебпрам”. I выбар пляцоўкі для збору кіраўнікоў прадпрыемстваў стратэгічна важнай харчовай
прадукцыі быў зроблены невыпадкова: наш завод уваходзіць у лік найбольш паспяховых вытворцаў хлеба вобласці.

Падчас работы савета былі падведзены вынікі дзейнасці Асіповіцкага, Бабруйскага, Быхаўскага, Горкаўскага, Крычаўскага, Клімавіцкага, Касцюковіцкага, Магілёўскага, Мсціслаўскага хлебазаводаў за студзень-люты.

 Адзначана, што аб’ём вытворчасці ў натуральным выражэнні пакуль саступае мінулагодняму, і трэба тэрмінова прымаць меры па выпраўленні
сітуацыі да канца квартала.

З асаблівай увагай абмяркоўваліся пытанні, звязаныя з мадэрнізацыяй вытворчасці.

I ў планах развіцця магілёўскага хлебапячэння сакрэтаў няма: неабходна ўкладваць у набыццё новага, найбольш дасканалага, абсталявання не меней 70% атрымліваемых прадпрыемствамі грашовых сродкаў. Толькі такі напружаны тэмп ін–вестыцый дасць магчымасць павялічыць эфектыўнасць працы і палепшыць
якасць выпускаемай прадукцыі.

Дасягненне гэтых мэт у сённяшніх эканамічных рэаліях — адзіны шлях, які дазваляе захаваць рабочыя месцы работнікам хлебазаводаў, забяспечыць іх дастойнай зарплатай пры ўтрыманні цэн на хлебабулачную прадукцыю на
мінімальна магчымым узроўні.