Впереди — новые достижения
Стальная магістраль
2020 год завершаны. Ці ўвойдзе ён у гісторыю спартыўнага жыцця Асіповіцкага чыгуначнага вузла? Напэўна, так. Але больш дзякуючы таму, што і ў неспрыяльны па эпідэміялагічных паказчыках час аматары актыўнага ладу жыцця выходзілі на спартыўныя пляцоўкі. Хоць і менш, чым звычайна.
У спартакіядзе раёна чыгуначнікі занялі першае каманднае месца па плаванні. Правялі першынство вузла па стральбе, а таксама міні-турніры па шашках, шахматах, дартсе.
Спартсмены Асіповіцкага вузла годна прадставілі Магілёўскае аддзяленне на дарожных спаборніцтвах. Трэцяе месца па стральбе ў асабістым заліку занялі Эдуард Лайшаў (дыстанцыя пуці) і Алена Папкова (лакаматыўнае дэпо). У складзе магілёўскай каманды асіпаўчане змагаліся ў першынствах па гіравым спорце, лыжных гонках, турыстычным шматбор’і. Дзякуючы моцнаму складу па выніках мінулага года каманда аддзялення стала лепшай на Беларускай чыгунцы.
Інструктар-метадыст ФСК «Лакаматыў» Магілёўскага культурна-спартыўнага цэнтра Андрэй Кубар удзячны кіраўніцтву ДЮСШ і ФСК «Алімпія» за дапамогу ў арганізацыі спаборніцтваў. Ён спадзяецца, што сёлета эпідэмічная абстаноўка будзе паступова паляпшацца, а значыць, стане магчымым актывізаваць фізкультурна-спартыўную работу сярод чыгуначнікаў, бо гэта не толькі новыя дасягненні і перамогі, але, што самае галоўнае, здароўе і добрае самаадчуванне працаўнікоў.
