Галоўнымі пытаннямі, вынесенымі на парадак дня пасяджэння райвыканкама, якое прайшло 20 студзеня пад началам старшыні Пятра Шукаловіча з удзелам першага намесніка старшыні Магілёўскага абл-выканкама Уладзіміра Краўцова, старшыні Пастаяннай камісіі Савета Рэспублікі Нацыянальнага сходу Рэспублікі Беларусь па рэгіянальнай палітыцы і мясцоваму самакіраванню Генадзя Навіцкага, намесніка міністра сувязі і інфарматызацыі краіны Ларысы Лабковіч і дырэктараў Магілёўскіх філіялаў РУП «Белтэлекам” і «Белпошта” Аляксандра Лісава і Алены Котавай, сталі вынікі леташняй работы галін народнай гаспадаркі раёна, выкананне бюджэту за мінулы і задачах па забеспячэнні яго выканання на 2010 год.

Даклады па іх зрабілі першы намеснік старшыні райвыканкама Васіль Пятроўскі і начальнік фінансавага аддзела райвыканкама Ларыса Белая. Найбольшая ўвага была на-дзелена менавіта праблем-ным момантам, і гэта цалкам зразумела і апраўдана: трэба зрабіць так, каб усё раней запланаванае ў рэгіёне стала рэальнасцю.

Выкананне мэтавых паказчыкаў прагнозу па абмежаванні імпарту, вы-творчасці спажывецкіх тавараў арганізацыямі, падпарадкаванымі рэспубліканскім органам дзяржкіравання і юрыдычным асобам без ведамаснай падпарадкаванасці, уводу жылля за кошт усіх крыніц фінансавання па году ў нас забяспечана. Сальда знешняга гандлю станоўчае: $2 мільёны пры заданні мінус $14,8 млн. У нашай эканоміцы створана 747 рабочых месцаў (заданне — 670), узровень беспрацоўя склаў 0,9% (1,2%). Бюджэт раёна па даходах выкананы на 101,1%, план паступленняў па ўласных даходах — на 102,2%. Звыш плана ў бюджэт паступіла 948,5 млн. руб. уласных даходаў. Запазычанасці па падатковых плацяжах у бюджэт і мэтавыя бюджэтныя фонды па стане на 1 студзеня ў раёне няма. Расходы на галіны сацыяльнай сферы склалі 65% аб’ёму бюджэту і г.д.

Разам з тым тэмп росту аб’ёмаў прамысловай вытворчасці па раёне склаў 74,4% пры прагнозе 107,5%, спажывецкіх тавараў — адпаведна 100,2 і 109%. Не забяспечана выкананне паказчыкаў прагнозу па вытворчасці прадукцыі прамысловасці і спажывецкіх тавараў ААТ «Асіповіцкі завод аўтама-більных агрэгатаў”, заводам жалезабетонных канструкцый, РВУТ «Татарка”, ААТ «Асіповіцкі малочны камбінат”; паказчыка па вытворчасці прадукцыі прамысловасці — СЗАТ «Шклозавод Ялізава”, СП ААТ «Дах”, СТАА «Белга-Прам”.

За год тэмп росту валавай прадукцыі сельскай гаспадаркі па ўсіх катэгорыях гаспадарак склаў 105,9 пры прагнозе 110%. 8 сельгаспрадпрыемстваў не забяспечылі выкананне задання, СВК «Калгас «Карытнае” дапусціў памяншэнне да ўзроўню 2008 года. Не выканалі заданне па нарыхтоўцы кармоў у разліку на ўмоўную галаву жывёлы на зімова-стойлавы перыяд у СВК «Калгас імя Чарняхоўскага”, «Лапічы”, «Каўгарскі”.

Удзельная вага запасаў гатовай прадукцыі ў працэнтах да сярэднямесячнага аб’ёму вытворчасці прадукцыі па арганізацыях, падпарадкаваных мясцовым выканаўчым і распараджальным органам, і юрыдычных асобах без ведамаснай падпарадкаванасці склала 82,3 пры заданні 65%.
За студзень-лістапад тэмп росту паказчыка па экспарту тавараў склаў 63,3% (прагноз — 126%); аб’ёму платных паслуг насельніцтву праз усе каналы рэалізацыі — 100,9 (107); рознічнага гандлю за год — 103,4 (117); мэтавы паказчык па энергазберажэнні за 11 месяцаў у супастаўных умовах склаў плюс 3,1% пры заданні мінус 13%; рэнтабельнасць рэалізаванай прадукцыі, работ, паслуг паменшылася з 9,3% за студзень-лістапад 2008 г. да 5,3% летась; ся-рэднямесячная зарплата па раёне за такі ж перыяд 2009 г. склала 843,1 тыс. руб. — 99,3% да задання; пратэрмінаваная запазычанасць арганізацый АПК па стане на 1.01.2010 г. па абавязковых плацяжах у Фонд сацабароны па аператыўных даных перавысіла 3 млрд. руб. і г.д.

Кіраўнікоў, якія ўздымаліся з тлумачэннямі «дасягненняў” і абаронай шляхоў, вызначаных для вы-праўлення адставання, было нямала: ААТ «АЗАА”, СЗАТ «Шклозавод Ялізава”, РДУВП «Асіповіцкі хлебазавод”, КДУП «Адзіны разліковы цэнтр”, УКСП «Пратасевічы”. I адказы далёка не кожнага з іх былі дакладнымі, да канца выверанымі-пралічанымі і абгрунтаванымі. Ці спрыяе гэта аўтарытэту чалавека, якому даверана кіраваць працоўным калектывам, адказваць за справы і лю-дзей? Пытанне рытарычнае, і ў прынятых рашэннях вы-значаны не толькі канкрэтныя мерапрыемствы для выпраўлення спраў, а і «ўз-нагароды” для вінаватых.

Супастаўляючы паказчыкі дзейнасці асіпаўчан з тым, як спрацавалі іншыя рэгіёны Магілёўшчыны, першы намеснік губернатара справядліва выказаў словы незадаволенасці: па многіх пазіцыях мы «кульгаем” далёка не з-за аб’ектыўных прычын. Без-умоўна, фінансава-эканамічны крызіс у свеце дадаў шмат негатыўных момантаў у справы прамыслоўцаў і другіх, але толькі на яго спісваць свае хібы недаравальна. Патэнцыял Асіповіччыны па-ранейшаму застаецца надзвычай высокім, і справа гонару зрабіць усё, каб выправіць адставанне, справіцца з планамі ва ўсіх галінах і накірунках дзейнасці.

На календары — Год якасці, які завяршае рэалі-зацыю 5-гадовых праграм сацыяльна-эканамічнага развіцця і раёна, і вобласці, і краіны. I ад таго, як мы цяпер спрацуем, будзе залежыць дасягненне мэтаў, вызначаных на трэцім Усебеларускім народным сходзе, ступень паляпшэння якасці жыцця насельніцтва, кожнага з нас.