Па інфармацыі сектара па кіраванні дзяржмаёмасцю, прыватызацыі і прадпрымальніцтву аддзела эканомікі райвыканкама, за мінулы год было прададзена на аўкцыёнах, рэалізавана за 1 базавую велічыню альбо перададзена ў карыстанне новым уласнікам іншымі, прадугледжанымі заканадаўствам, спосабамі 23 аб’екты нерухомасці, якія ўваходзілі ў камунальную
ўласнасць раёна.

Сярод іх трэцяя частка самага знакавага «недабуда” нашага краю — закінутага бальнічнага комплексу на вуліцы Сташкевіча — і  некалькі буйных сховішчаў, якія засталіся на тэрыторыі былога ваеннага гарадка ў вёсцы Верайцы.

Зараз засталіся непрададзенымі 9
аб’ектаў, у тым ліку будынкі школы ў Верайцах і школы—інтэрната ў Вяззі, сельскіх клубаў у Каранах і Крамку, свінакомплексу УМГ у Лапічах і другі паверх жылога дома ў Каўгарах.

Пошук новых гаспадароў для іх вядзецца актыўна, хоць і не без складанасцей. Сёлета ўжо аб’яўлена аб правядзенні 10 аўкцыёнаў, з якіх тры не адбыліся, адзін
прайшоў безвынікова, а два мелі поспех.