Лепшыя вызначаны
13 февраля 2013 14:36
Па выніках работы за другое паўгоддзе 2012 года за актыўны ўдзел у ахове правапарадку ў складзе добраахвотных дружын на чарговым пасяджэнні райвыканкама вырашана заахвоціць 28 чалавек.
У ліку лепшых дружыннікаў названы вадзіцель СВК «Калгас «Авангард” Яўген Баглай і касір СВК «Калгас «Каўгарскі” Валянціна Бельчына, слесар—рамонтнік установы па захаванні матэрыяльных каштоўнасцей «Маяк” Мікалай Дрозд і інжынер лінейных сістэм сувязі ААТ «Белтрансгаз” Ягор Iгнатаў, электраманцёр райвузла электрасувязі Iгар Патапейка і вадзіцель ДЭУ-73 Андрэй Раманоўскі і другія.
