Па выніках аператыўна-службовай дзейнасці за 2012 год
лепшымі па прафесіі сярод супрацоўнікаў упраўлення ўнутраных спраў на
транспарце былі прызнаны двое землякоў — оперупаўнаважаны аддзялення
крымінальнага вышуку Асіпо-віцкага АУСТ капітан міліцыі Мікалай Рудкевіч і
старшы ўчастковы інспектар інспекцыі па справах непаўналетніх маёр міліцыі Юрый
Ткачук. Прычым апошні атрымаў гэтае ганаровае званне ўжо ў сёмы(!) раз.

Саслужыўцы паважаюць лаўрэатаў не толькі за прафесіяналізм
і вопыт — Рудкевіч і Ткачук працуюць у АУСТ ужо болей 20 гадоў — але яшчэ і за
майстэрства спалучаць клапотную і «безлімітную” па часе міліцэйскую работу з
сямейнымі справамі ды ўменне атрымліваць асалоду ад кожнага пражытага дня.

Цікава, што ў сваіх захапленнях маёр і капітан утвараюць
вельмі гарманічны і жыццесцвярджальны тандэм.

Юрый Ткачук — адзін з лепшых спартсменаў аддзела, заўсёды
трымае выдатную форму і сваім прыкладам прапагандуе перавагі, якія атрымлівае
чалавек, што не лянуецца ўкладваць крыху часу ў развіццё ўласнага цела.

Мікалай Рудкевіч — бадай, лепшы пазаштатны шэф-кухар АУСТ.
Аб яго кулінарных эксперыментах ходзяць ледзь не легенды, і амаль кожны з калег
мае ў запісной кніжцы некалькі «оперупаўнаважаных” рэцэптаў. Адзін з іх проста
немагчыма не ўзгадаць, бо слінкі пачынаюць цячы нават калі чытаеш яго апісанне:

Узяць па 10 салодкіх перцаў, памідораў, зубкоў часнаку, 1
стручок горкага перцу, па стакану цукру і алею, 2 сталовыя лыжкі солі і 100
грамаў воцату. Усё узбіць у аднародную масу (лепш у блэндары), кіпяціць 15
хвілін. Потым у гарачую масу кінуць 1 кілаграм парэзаных кругамі баклажанаў і
варыць яшчэ 20 хвілін.

І, уласна кажучы, усё…