Акцыя “Нашы дзеці”

Прыёмныя і апякунскія сем’і знаходзяцца ў полі ўвагі кіраўніцтва раёна і грамадскіх аб’яднанняў пастаянна. Тым прыемней візіты, калі ў іх святочная нагода. Перад Новым годам у доме сямейнага тыпу Марыі і Аляксея Бібетак пабывалі дэпутат Палаты прадстаўнікоў Нацыянальнага сходу краіны Святлана Шутава, старшыня райвыканкама Канстанцін Жыгуцкі, намеснік старшыні Ганна Землянухіна і кіраўнік райарганізацыі “Белая Русь” Наталля Шаўчэнка. Валерыя, Анастасія, Павел, Данік і Арцём атрымалі падарункі, а іх бацькі — духавы шкаф, у якім змогуць гатаваць смачныя стравы для ўсёй сям’і.