Осиповчанин Сергей Головин всегда придет на помощь
Энергазабеспячэнне
Надзейны, адказны і працавіты
Стаж работы Сяргея Галавіна ў Асіповіцкім раёне электрасетак — 35 гадоў
Пачынаў вадзіцелем, затым 29 гадоў адпрацаваў электраманцёрам у складзе аператыўнай выязной брыгады. А цяпер зноў кіруе машынай. На прадпрыемстве яго лічаць вопытным спецыялістам, адказным работнікам, добрым таварышам, які заўсёды прыйдзе на дапамогу.
За такі працяглы час чаго толькі не давялося рабіць! Працавалі ў райцэнтры і аддаленых населеных пунктах, каля ажыўленых аўтадарог і ў вёсачках на некалькі хат, выкарыстоўвалі розныя матэрыялы і інструменты. Сяргею ёсць што ўспомніць, бо давялося ўдзельнічаць у правядзенні рамонтных работ рознай ступені складанасці, мадэрнізацыі, рэканструкцыі. Асабліва запомнілася выпрабаванне надвор’ем, калі на працягу некалькіх тыдняў давялося прыводзіць у парадак сеткі пасля свавольстваў цыклона “Даніэла”.
Што дастаўляе радасць аксакалу РЭС? Сённяшнім станам электрасетак ён задаволены, калектывам таксама. Дарэчы, жонка Ганна з нядаўняга часу працуе ў адным з мужам РУП “Магілёўэнерга”, бо перайшла з АЗАА на міні-ЦЭЦ. Дочкі, пакінуўшы бацькоўскі дом, ад’ехалі недалёка, таксама жывуць у Асіповічах. А для ўнука Дзімы вялікая радасць, калі дзядуля пракаціць на машыне, і ў марках аўтамабіляў малы разбіраецца не горш за бацькоў. Вольны ад работы час Сяргей праводзіць на дачы, якую будуе сваімі рукамі.
