Вытворчасць

На кожным прадпрыемстве ёсць ключавыя пункты, паспяховасць работы якіх мае прынцыповае значэнне для вытворчасці гатовай прадукцыі. На заводзе аўтаагрэгатаў такіх тэхналагічных “перакрыжаванняў” некалькі, і ўчастак зборкі апорных прыстасаванняў прэсава-зварачнага цэха займае ў агульным спісе далёка не апошняе месца.
А гэта азначае, што да прафесійных якасцей людзей, якія тут працуюць, прад’яўляюцца асаблівыя патрабаванні.
Кантралёр АТК Ірына Гуцала — спецыяліст найвышэйшай кваліфікацыі, і ў яе абавязкі ўваходзіць нагляд за дакладнасцю вырабу самых складаных дэталей. Аперацыйны кантроль вядзецца ў некалькі этапаў, пачынаючы з першых вырабаў, якімі станочнікі “адкрываюць” свой рабочы дзень. Калі яны маюць належныя кандыцыі, можна выконваць зменнае заданне з упэўненасцю ў правільнай наладцы станочнага парка.
Ну а далей усё залежыць ад майстэрства і руплівасці самога работніка. У токара Вадзіма Пішчэліна з гэтым усё ў парадку.
Вадзім Пішчэлін “трымае справаздачу” перад Iрынай Гуцала.