Мінулы год для працаўнікоў гэтага зернеперапрацоўчага прадпрыемства быў плённым: аб’ём вытворчасці пры даведзеных 163,5% склаў 182,3% да
паказчыкаў 2011 года. Заданні па вытворчасці мукі выкананы на 100%, круп — на 115. Летась рэалізавана 34 тысячы тон прадукцыі. Наладжаныя экспартныя сувязі дазволілі адправіць за межы рэспублікі 12,5 тысячы тон і на гэтым зарабіць
3,8 мільёна долараў.

Добрую аддачу прынёс крупацэх № 2, які быў рэканструяваны ў 2009 годзе і дзе знахо–дзіцца многа высокатэхналагічнага абсталявання. Апошнім для фасоўкі набылі аўтамат “Пітпак”, які можа ўпакоўваць 45-50 пакетаў у
хвіліну. Згодна з папярэдне складзеным бізнес–планам, укладзеныя ў рэканструкцыю грошы крупацэх павінен быў вярнуць за 8-9 гадоў, а
на справе прыбытак бу–дзе атрыманы значна раней. Дасягнуць хуткай акупаемасці дазволіць у першую чаргу стабільнае забеспячэнне максімальнай загрузкі абсталявання.

Мае прадпрыемства сур’ёзныя планы і на бягучы год. З сакавіка распачнецца рэканструкцыя млына. Ужо ў лістапа–дзе павінна быць запу–шчана новая лінія з найсучаснейшым тэхнічным начыннем ад замежных вытворцаў па
вытворчасці мукі. Тут жа будзе адбывацца і яе расфасоўка ў пакеты рознай вагой. Новыя тэхналогіі, аўтаматычнае кіраванне дазволяць задзейнічаць менш людзей: з тымі ж аб’ёмамі работы замест 7-8 чалавек змогуць справіцца трое. Плануемыя магутнасці новай лініі — размол 150 тон жыта і 75 тон пшаніцы ў суткі.