Напрыканцы снежня ў сталіцы краіны
адбылася справаздачна-выбарная канферэнцыя Беларускай федэрацыі па плаванні, і
ў ліку іншых пытанняў і задач асобна была засяроджана ўвага на тым, што ўсе
вучні да чацвёртага класа павінны навучыцца плаваць — усеагульнае навучанне
плаванню ўвойдзе пунктам у праграму развіцця гэтага віду спорту да
2016 года.

У нашым райцэнтры фізпадрыхтоўкі “Дэльфін”
такая задача ўжо даўно вырашаецца паспяхова. На працягу доўгага часу сотні
асіповіцкіх хлопчыкаў і дзяўчынак вучацца правільна трымацца на вадзе ў
басейне, а тыя, хто захапіўся гэтым відам спорту ўсур’ёз, наведваюць секцыі,
дзе маюць магчымасць дасягнуць значных спартыўных поспехаў. Нядаўна, напрыклад,
вучні горада сабраліся на традыцыйныя спаборніцтвы па плаванні “Калядныя
старты”. У асабістым першынстве сярод самых малодшых самымі хуткімі сталі
гімназісты Ліза Долгая і Iлья Казлоў, сярод 5-6-класнікаў — Кацярына Пракопчык
(СШ № 4) і Арсеній Андрушкевіч (гімназія), а ў старшай падгрупе перамаглі Арцём
Васючэнка (СШ № 3) і Таццяна Сямашка, якая зараз вучыцца ў Магілёўскім вучы-лішчы
алімпійскага рэзерву.

Агульнакаманднае I месца ў чарговы раз
дасталося гімназістам, II — СШ № 4, III — СШ № 3.

Нэлі АСТРЭЙКА.