Сельская гаспадарка

Восеньскія справы на палях

6 700 гектараў — менавіта такую плошчу, па словах першага намесніка кіраўніка ўпраўлення па сельскай гаспадарцы і харчаванні Дзмітрыя Куліка, у раёне зоймуць азімыя культуры. 3 767 га адведзена пад жыта, 2 001 — трыцікале, 932 — пшаніцу. Што тычыцца рапсу, то планавыя 1 200 гектараў ужо засеяны. Найбольш актыўна ажыццяўляюцца работы ў філіяле “Белшына-агра” ААТ “Белшына”: тут на ўчарашнюю рані-цу выканана 45% да плану; ААТ “Авангард-Ніва” — 44%; ААТ “Ясень-АГРА” — 43%. Усяго ж, па даных на ранак паня-дзелка, у раёне пасеяна 37% да запланаванага, што па пло-шчы складае 2 502 га.

Больш за 750 гектараў засеюць азімымі культурамі на зерне ў ААТ “Ясень-АГРА”. Як даведаліся ў гаспадарцы, 200 га зямлі ўжо займае трыцікале, а 50 га адведзена пад рапс. Сёлета, як распавядае галоўны аграном Анастасія Сямёнава, на 20 гектарах практыкавалі так званыя кулісныя пасевы сурэ-піцы і жыта. Апошняму дасталася ўся ўвага: засеяць жытам трэба 500 га.

Кіруе трактарам у полі механізатар Сяргей Мірановіч, які аддаў працы на зямлі больш за 40 гадоў. Ён заўсёды заняты на сяўбе, падчас уборкі ўраджаю і на касьбе. За дзень Сяргей Яўгенавіч засейвае больш за  30 гектараў. Сам наладжвае сеялку і даглядае “жалезнага памочніка”: вопыт дапамагае трымаць тэхніку ў добрым стане. А калі справа ў руках да-сведчаных і адданых працы людзей, то можна не хвалявацца: пасеў азімых скончыцца ў належны тэрмін.