Что о «районке» говорят осиповчане
Падпіска
Амаль сямейная!
Дома і на працы, у любое надвор’е і пару года асіпаўчанка Святлана Каленчыц заўсёды з “раёнкай”: яна нават і не памятае, на працягу якога часу з’яўляецца пастаяннай чытачкай “Асіповіцкага края”. А на працягу апошніх гадоў 7 яшчэ і рэгулярна выпісвае “раёнку” не толькі на асабісты адрас, але і сваякам.
Памятаю, што мясцовую газету ў нас чыталі заўжды: і мая матуля набывала, і ў сям’і мужа таксама. А зараз і дзеці-школьнікі час ад часу пацікавяцца, што ж там надрукавалі, ці ёсць хто знаёмы на здымках. Сама ж, акрамя іншага, з задавальненнем чытаю розныя парады і лайфхакі пра дом, гаспадарку, сад-агарод, — расказвае жанчына. — Літаральна ўжо амаль сямейнае выданне: цікавае і патрэбнае знойдзецца для кожнага. Лічу, што чытаць мясцовую прэсу трэба ў першую чаргу ўжо дзеля таго, каб ведаць, чым жыве родны горад, што адбываецца ў раёне. Бо якія ж мы асіпаўчане без гэтага?
