Адукацыя

• 956 хлопчыкаў і дзяўчынак сёлета аздаравіліся ў лагерах раёна. 395 дзяцей адпачылі ў спартыўна-аздараўленчых «Пціч» і «Крыніца», 61 чалавек — у турысцкім «Азімут», края-знаўчым «Радзiмiчы» і палатачна-патрыятычным «Юнацтва», 319 дзяцей — у лагерах з дзённым знаходжаннем, 125 — лагерах працы і адпачынку і 56 — у спартыўна-аздараўленчым лагеры дзіцяча-юнацкай спартыўнай школы з дзённым знаходжаннем.
• На час рамонту будынка па вул. Каданчыка, 1 аддзел па адукацыі Асіповіцкага райвыканкама знаходзіцца на вул. Чапаева, 27 (дзе раней размяшчаўся «Райсэрвіс») на 2 і 3 паверхах; тэлефон сакратара 53-177. А раённы цэнтр творчасці дзяцей і моладзі — па вул. Першамай-скай, 13; тэлефон 57-692.
• 13,5 рубля каштуе камплект падручнікаў для школьнікаў 1-11 класаў у гэтым навучальным годзе. У параўнанні з мінулым тарыф вырас на 75 капеек. Шматдзетным сем’ям навучальныя дапаможнікі абыдуцца на 50% танней — 6,75 руб. А школьнікам з інваліднасцю ці калі хтосьці з бацькоў мае інваліднасць падручнікі выдадуць бясплатна.
• Працягваецца набор рабят у дзіцячыя аб’яднанні па інтарэсах раённага цэнтра творчасці дзяцей і моладзі. Да 1 кастрычніка бацькі маюць магчымасць запісаць сваіх сыноў ці дачок на заняткі, дзе тыя паглыбяць веды і змогуць развіць здольнасці.
• 573 юныя землякі ўпершыню селі за школьныя парты Асіповіччыны. З іх 442 дзіцяці сталі вучнямі гарадскіх школ і 131 — сельскіх. Самая багатая на першакласнікаў — 120 чалавек — СШ № 1. Вучняў жа 11-х класаў усяго 236: 155 навучаецца ў горадзе, а 81 — на раёне.
• 16 школьных аўтобусаў адвозяць 578 школьнікаў і 79 дашкольнікаў да навучальных устаноў з 63 населеных пунктаў, дзе адсутнічаюць школы і дзіцячыя садкі. Яшчэ 12 дзяцей з чатырох населеных пунктаў даязджаюць да ўстаноў адукацыі на рэйсавым аўтобусе аўтапарка.
• 16 маладых спецыялістаў педагагічнага профілю пачалі працаваць у раёне. Яны далучыліся да 536 настаўнікаў і 282 выхавальнікаў.