У райвыканкаме КАДРЫ — НАША БУДУЧЫНЯ
На чарговым пасяджэнні райвыканкама, якое прайшло 5 снежня пад началам старшыні Пятра Шукаловіча, галоўным можна выдзеліць пытанне «Аб рэзерве кадраў на кіруючыя пасады, уключаныя ў кадравы рэестр Асіповіцкага райвыканкама”.
Па стане на 1 снежня, як адзначыла начальнік арганізацыйна—кадравай работы райвыканкама Наталля Змачынская, узгаданы рэестр складаецца з 7 спісаў на 80 кіруючых пасад і
ўключае ў сябе 166 чалавек, 52,4% з якіх — жанчыны. Абнаўленне рэзерву ажыццяўляецца па меры неабходнасці ў парадку, прадугледжаным пры яго фарміраванні. Сёлета яго састаў абноўлены на 19 чалаек — 11%.
Сярэдні ўзрост рэзервістаў — 35 гадоў, а ў перспектыўным кадравым рэзерве 20 чалавек. Слухачоў Акадэміі кіравання пры Прэзідэнце краіны зараз у нас чацвёра,
кваліфікацыю за год павысілі 10 чалавек, а на кіруючыя пасады з рэзерву прызначаны 7 рэзервістаў.
Сёлета абноўлены банк дадзеных на спецыялістаў ва ўзросце да 35 гадоў. Усяго цяпер працуючых у горадзе спецыялістаў з вышэйшай адукацыяй і тых, хто займаецца на
апошнім курсе, 550 чалавек, у сельскай мясцовасці — 126.
У цэлым работа з рэзервам кадраў у раёне вядзецца здавальняюча, у рэзерв на кожную пасаду ўключана па 2 і больш кандыдатуры, аднак у асобных галінах — сельская гаспадарка, будаўніцтва і г.д. — праблемы з
патэнцыяльнымі кіраўнікамі ў наяўнасці. Шляхі—рэкамендацыі, як працаваць з талковай моладдзю, каб падрыхтаваць яе да будучай кіруючай работы, і знайшлі адлюстраванне ў прынятым рашэнні.
