“Будзь прыкладам свайму дзіцяці!” — сёння Дзяржаўтаінспекцыя праводзіць адзіны дзень бяспекі дарожнага руху.

Штомесячную сацыяльную дапамогу на агульную суму 67 333,38 руб. з пачатку года атрымалі 267 чалавек, паведамілі ва ўпраўленні па працы, занятасці і сацабароне райвыканкама. 72 дзіцяці ва ўзросце да 2 гадоў забяспечаны бясплатнымі прадуктамі харчавання коштам 52 518 рублёў 40 капеек.

Падрыхтавацца да новага навучальнага года актыўна дапамагае землякам філіял ААТ “Магілёўсаюздрук”: тут прадстаўлена звыш 200 найменняў канцылярскіх тавараў для школьнікаў розных узроставых груп. Попытам у юных асіпаўчан карыстаюцца як традыцыйныя сшыткі, ручкі і альбомы, так і дробязі накшталт скрэпак і ластыкаў.

У раённым этапе рэспубліканскай акцыі «Сцяжынкамі Бацькаўшчыны» першае месца ў намінацыі “Сцяжынкамі роднай прыроды” атрымала вучаніца 9 класа гімназіі   Дар’я Моцевіч, другое — 10-ы клас Свіслацкай СШ; у намінацыі «Юны эколаг» узнагароды размеркаваліся наступным чынам: «золата» ў Кацярыны Кушняровай з Каменіцкага ВПК д/с — СШ, «серабро» дасталася прадстаўнікам СШ № 1 Марыі Шпакоўскай і Паўлу Рыбаку, «бронза» — вучаніцы Ясенскага ВПК д/с — СШ Руслане Біліновіч.

У Градзянскім сельсавеце з пачатку года абследавана кожнае з 661 домаўладання, выдадзена 80 прадпісанняў, 19 з іх кіраўнікам арганізацый. Ліквідавана 66 несанкцыянаваных звалак смецця (185 м3), знесена 105 м старога плоту, ачышчана ад хмызняку 7,65 га тэрыторыі, двойчы за летні сезон пазбаўляліся ад інвазійнай расліны баршчавіку Сасноўскага, які з’явіўся на трох сотках зямлі. Спілавана 5 аварыйных дрэў, з могілак у Лазовым выдалена струхнелае дрэва, якое павалілася падчас непагадзі. У Казімірова і Асаўку на падрыхтаваныя раней пляцоўкі ўсталяваны кантэйнеры для збору смецця. Праведзена грэйдзіраванне вуліц у Каменічах і Яноўцы, на чарзе — Градзянка.

Рэспубліканскі агляд санітарнага стану і добраўпарадкавання чыгуначных вакзалаў штогадова праводзіць Беларуская чыгунка. Па традыцыі ў ім спаборнічаюць як пазакласныя, так і вакзалы І, ІІ і ІІІ класаў. Пры вызначэнні лепшых улічваецца архітэктурная выразнасць, афармленне фасада, добраўпарадкаванне прылеглай тэрыторыі малымі архітэктурнымі формамі, якасць абслугоўвання пасажыраў, павышэнне ўзроўню паслуг і пашырэнне іх спектра. Прыемна, што наш вакзал аказаўся ў ліку пераможцаў. Ён заняў другое месца сярод вакзалаў ІІІ класа.

Змяненні ў Закон краіны “Аб геаграфічных указаннях” ад 17.07.2002 г. уступаюць у сілу заўтра. Дадзеныя змены спросцяць заканадаўча ўстаноўленыя патрабаванні да геаграфічных указанняў, права карыстання якімі, у сваю чаргу, дазволіць айчыннаму вытворцу пацвердзіць арыгінальнасць і якасць свайго тавару, паспрыяе фарміраванню станоўчага іміджу рэгіёна.