Раней і зараз
Цэнтр банкаўскіх паслуг № 722 філіяла № 703 ААТ “ААБ Беларусбанк” пабудаваны ў 1998 годзе па праекце Аляксандра Валовіча, у будучым — галоўнага архітэктара Магілёўскай вобласці.
З’яўленне выразнага і ў добрым сэнсе кідкага офіснага будынка адчувальна палепшыла выгляд галоўнай вуліцы горада, таму што раней на гэтым месцы стаяла некалькі звычайных драўляных хат.
У ХХІ стагоддзі апошнім піскам бізнес-моды стала шырокае ўжыванне карпаратыўных колераў. Банкі ад трэнда ўхіляцца не палічылі магчымым, і гадоў пяць назад цагляныя сцены ЦБП № 722 схаваліся пад тынкоўкай і пліткай.
Гэта, мабыць, якраз той рэдкі выпадак, калі можна паспрачацца, які варыянт будынка лепшы. Нязменным застаецца толькі факт, што пабудова па-ранейшаму з’яўляецца ўпрыгажэннем цэнтральнай вуліцы горада.
