Зваротная сувязь

Давераная асоба кандыдата ў Прэзідэнты Рэспублікі Беларусь Аляксандра Лукашэнкі, генеральны дырэктар холдынга “Бабруйскаграмаш” Надзея Лазарэвіч сёння сустрэлася з шэрагам калектываў Асіповіччыны: ЗАТ “Алцімед”, Асіповіцкага вытворчага ўчастка ААТ “Бабруйскі камбінат хлебапрадуктаў”, філіяла “Асіповіцкі” ААТ “Бабушкіна крынка”. Таксама яна правяла прыём у грамадскай прыёмнай РА ГА “Белая Русь”.

Якія тэмы ўздымаліся ў гутарцы з асіпаўчанамі? Гэта дынамічнае развіццё Беларусі, у тым ліку ў сферы IT-тэхналогій, эканамічная бяспека. Так як Надзея Анатольеўна кіраўнік буйнога прамысловага холдынга, з задавальненнем адказвала на пытанні датычна ўзначальваемай вытворчасці, а таксама з цікавасцю слухала аповеды людзей пра свае прадпрыемствы. Вывад жа з гутарак можна зрабіць адзін: у нашай краіне кожны можа дабіцца любых вышынь — ёсць усе магчымасці рэалізаваць свой патэнцыял. А дапамогуць у гэтым шчырая праца ды жаданне развівацца і ісці наперад.

Не маглі абысці і тэму барацьбы з каранавіруснай інфекцыяй, дзе Беларусь выбрала свой шлях, і гэты падыход аказаўся правільным. Ішла размова пра ўвагу да хворых, заслугі нашых медыкаў.

Былі таксама абмеркаваны пытанні жыллёва-камунальнай сферы, маладзёжнай палітыкі, развіцця сельскіх тэрыторый, будаўніцтва жылля для маладых спецыялістаў і іншыя. Шэраг запытаў давераная асоба запісала, каб данесці пытанні асіпаўчан да вышэйшых пасадавых асоб краіны.

Наш горад, а  Надзея Лазарэвіч пабывала ў Асіповічах упершыню, пакінуў у агульным станоўчае ўражанне: маем усё неабходнае, каб адчуваць сябе камфортна і ўпэўнена.