Ураджай-2020

Жнівеньскі настрой

Жніво ў раёне якраз у самым разгары. Надвор’е стаіць добрае, таму камбайнеры стараюцца на поўную моц. 31%, а ў гектарах гэта 2 538 — такі паказчык па колькасці зжатых ніў дасягнуты асіповіцкімі аграрыямі па стане на ўчарашнюю раніцу. У агульным намалочана 7 957 тон збожжа, сярэднераённая ўраджайнасць — 31,4 цэнтнера з гектара.

Па сярэдняй ураджайнасці па раёне лідзіруе філіял “Белшына-агра” ААТ “Белшына” — 37,8 ц/га. На другім месцы ААТ “ЖорнаўкаАГРА” — 36,8 ц/га. Па ўбранай плошчы ў ліку першых значацца ААТ “Авангард-Ніва” і “Ясень-АГРА” — 48,6% і 39,9% адпаведна.

756 гектараў сваіх палёў ужо ўбралі камбайнеры ААТ “Авангард-Ніва”. Зараз на збожжавых надзелах сельгас-прадпрыемства працуе 5 экіпажаў. Уборка тут распачалася  17 ліпеня, а на ўчарашнюю раніцу ўжо намалацілі 2 109 тон. Андрэй Юшкевіч працуе ў гаспадарцы з 2014 года, а ўдзель-нічае ва ўборачнай кампаніі толькі другі сезон. Але з памочнікам Аляксеем Уласікам, для якога гэта першая ўборачная, маюць лепшыя пазчыкі — 463 тоны. І нездарма, бо або-два лічаць, што здабываць хлеб трэба ў тэрмін, каб не згубіць ніводнага каласка. Дзмітрый Каранькоў і Андрэй Усніч не адстаюць ад калег, час ад часу выязджаюць на адно поле. Камбайнер з памочнікам амаль 12 гадоў працуюць у адной кабіне, а таму ўжо ведаюць адзін аднаго і справа спорыцца. Пачынаюць жаць раніцай, калі поле прасохла, а завяршаюць работу амаль уначы: трэба паспець да дажджоў, каб убраць з найменшымі стратамі.

Алена Суета.

e.sueta@gzt-akray.by