Жыццё
наша поўнае разнастайных нечаканасцей і сюрпрызаў. Але самае лепшае ў ім — гэта магчымасць самому ўвасобіць сваю ўласную мару ў рэальнасць. А для гэтага патрэбна жаданне, крыху ўпартасці і
мэтанакіраванасці. Усімі
гэтымі якасцямі валодае вучаніца гімназіі Настасся Шарамет. Як і многія яе аднагодкі, яна захапляецца музыкай, але асаблівае месца сярод любімых выканаўцаў займае творчасць беларускай рок-групы “Litesound”.

Гэты
гурт заснаваны ў 2005 годзе братамі Дзмітрыем і Уладзімірам
Каракінымі. Музыканты ўдзельнічаюць у розных праектах, супрацоўнічаюць
з вядучымі беларускімі і замежнымі кампазітарамі і выканаўцамі. У 2005-   2006 гг. артысты
заваявалі першае месца на музычным конкурсе ў Iталіі. Чатыры разы запар прымалі ўдзел у адборачных турах “Еўрабачання”, “Новай хвалі-2010” у Юрмале. Iх кліп на песню “See you in
Vegas” удастоены
Нацыянальнай музычнай прэміі як лепшы кліп года. А сёлета яны прадстаўлялі Беларусь на
“Еўрабачанні-2012”.

Насця
з задавальненнем сачыла за любімым гуртом, ездзіла ў Мінск на канцэрты, але аднойчы падумала: “А чаму б “Litesound” не завітаць з канцэртам у Асіповічы?”. I, крыху памеркаваўшы, гімназістка пачала дзейнічаць. Застаецца толькі здзіўляцца яе жвавасці і энергіі, энтузіязму і
ўпэўненасці ў поспеху.

I вось
сутыкненне абставін: зусім выпадкова яна пазнаёмілася з блізкім акружэннем спевакоў, іх бацькам, які з’яўляецца дырэктарам праекта. “Litesound” ідэю з канцэртам падтрымалі, але папрасілі стварыць
спецыяльную групоўку ў сацыяльнай
сетцы “У кантакце”, дзе б каля трохсот асіпаўчан пацвердзілі сваё жаданне прыйсці да іх на канцэрт. Насця з гатоўнасцю ўзялася за справу і ў хуткім часе патрэбная колькасць людзей назбіралася. Пасля дзяўчына адправілася ў раённы Цэнтр культуры. Тут школьніцу выслухалі і таксама падтрымалі. I, увага, 21 лістапада ў Асіповічы з канцэртнай праграмай прыедзе “Litesound”! I ўсё гэта дзякуючы
валанцёрскаму энтузіязму Насці Шарамет.

Цікава,
а хто–небудзь з нас здольны вось так знайсці “кропку апоры і перавярнуць сусвет”, як гэта змагла зрабіць простая школьніца з Асіповіч?
Гэты прыклад — яскравае
пацвярджэнне адной простай ісціны: “Заўсёды трэба дзейнічаць тут і
зараз, а не потым і як-небудзь”…

Нэлі АСТРЭЙКА.