Магазины Осиповичского торгово-розничного предприятия Глусского райпо закупают у населения дикорастущую продукцию

Нарыхтоўка

Чарніцы, лісічкі і не толькі

Па словах намесніка начальніка нарыхтовак Наталлі Якубюк, прымаюцца ўсе віды сыравіны: грыбы, ягады, садаві-на-гародніна. Асабліва актыўна здаюць лясныя дары жыхары Осава, Каўгароў, Ліпеня, Ялі-зава. Гараджане таксама не адстаюць і нясуць сабраны ўраджай у крамы “Северный”, “Родны кут”, “Перекресток”. Нарыхтоўшчыкі Генадзь Курачоў, Вольга Фурсава, Таццяна Якаўлева, Вольга Маісеева і іншыя таксама далучыліся да гэтай кампаніі.

Што тычыцца чарніц, то сёлета надвор’е больш-менш спрыяла ўраджаю, аднак не да ўсіх лясных палянак прырода аказалася шчодрай, ды і ягады, на думку зборшчыкаў, не надта буйныя. Сам працэс збору пачаўся пазней, чым летась, прыкладна на два тыдні. А вось стартавая цана аднолькавая — 2 рублі 50 капеек. З цягам часу яна павялічваецца. Зараз кілаграм чарніц каштуе 4 рублі 15 капеек. Закупленая прадукцыя адразу накіроўваецца ў Глуск, дзе ёсць цэх глыбокай замарозкі. Усяго з пачатку сезона прынята ад насельніцтва Асіповіччыны каля 10 тон карыснай ягады.